اللحظة الأخيرة

اللحظة الاخيرة

بقلم/نشأت البسيوني

في كل حياة لحظة اخيرة ماحدش بيشوفها وهي بتيجي لكنها بتمشي وتسيب أثر أكبر من حجمها لحظة بتغير طريقة نظر الانسان لنفسه وللدنيا اللي قدامه كأنها صفارة بتقول له وقف وفكر وراجع كل حاجة فاتت اللحظة الاخيرة مش شرط تكون وداع ولا خسارة ساعات بتكون بداية جديدة متخفية في شكل نهاية وساعات بتكون درس مايتشرحش بالكلام لكنه يتفهم لما الحياة تهدى

وتسيب مساحة للوعي انه يسمع نفسه الانسان في اللحظات دي بيتعرى من كل حاجة من الادعاء من التظاهر من الحكايات اللي كان بيقولها لنفسه علشان يرضي خوفه بينكشف قدام روحه وبيعرف قد ايه كان ممكن يكون اقوى وقد ايه كان ممكن يكون اصدق

اللحظة الاخيرة بتجبرك تبص لنفسك من بعيد كأنك بتشوف شخص تاني شخص عاش باندفاع وبصمت وبتردد وبأمل وبدون ما ياخد

باله ان كل خطوة عملت شكل تاريخه وكل اختيار رسم ملامح الطريق اللي جابه لحد هنا وعلشان كده اللحظات الاخيرة مش خايفين منها قد ما احنا خايفين من اللي ممكن تكشفه لنا لانها بتيجي من غير استئذان وتوقع عنك الحاجات اللي كنت ماسك فيها وبتوريك حقيقتك من غير زيادة ومن غير نقصان لكن اللي محدش بياخد باله منه ان اللحظة الاخيرة مش نهاية الطريق لكنها فرصة

يعيش بعدها الانسان بنقاء اكبر بوعي اعمق وبتصالح مع نفسه يخليه فاهم انه مهما تأخر في الفهم عمره ما يتأخر

في التغيير