……حلم جوايه……..

يحيي العبادي

افتكر قلبي الي حبك
فوت لي مكان بقلبك
ياحبيبي الشوق زياده
حتي روحي ساكنه عندك
من زمان شايف جمالك
ايوه نفسي اروح لخالك
اطلب انك تبقي عمري
وترحم القلب الي شالك
ياحبيبي فين اروح
قلبي دايب من الجروح
نفسي أقرب من هواك
نفسي احكي لك و ابوح
زي شمس نهاري طالع
زي لحن في ودني سامع
انت سحر جوه عيني
قلبي من اشواقه والع
ارحميني من عذابي
ضاع في حبك كل شبابي
وبعد عمري الي انتهي
مليتي كل سطور كتابي
ليل نهار احكي عنك
الحنان والحب منك
رغم انك طيف يزورني
سني عمره ماكان بسنك
بس ليه بيقولو انتهيت
ليه بيحكوا عن ياريت
رغم اني لسه بحلم
عمري من وجعي اشتكيت
حلمي عاش ليل نهار
جوه عايش وقلبي دار
ومهما كانت حكايتي فيه
انا لسه برضه في انتظار