صدقينى

صدقينى

بقلم صالح منصور

صدقينى.. لما اقولك..

 

شفت نور الفجر..

 

في لون عيونك..

 

لما طلعوا.. يودعونى

 

شفت لهفه في ايديكِ

 

لما قربوا.. يلمسونى

 

شفت ايد طلعه ونازله

 

يمكن تشفهم عيونى..

 

شفت قلب نبضه

 

بيسرع لما بتحسه ظنونى

 

صدقينى.. لما اقولك..

 

شفت بعيونى أميرة

 

عيشه في قلبي أسيرة

 

والغريب ان البابان متفتحه

 

بس الأميرة حابه تكون هى الأسيرة

 

تعرفي.. اول ما شوفتك

 

قلبي طار من الانتظار..

 

والعيون ضحكتك بدمعه

 

والمشاعر ورد فتح

 

والحروف بقت ندى

 

والكلام عقد لؤلؤ

 

وانتِ اميرتى.. قطر الندى

 

مش ينافق او ببالغ..

بس قلبي شايفك كدة

والقلوب.. لما تشوف..

تبقي تملي الصورة كدة

صدقينى.. لما اقولك

 

مولاتى.. قطر الندى

صدقينى

………. … صالح منصور