الشعر
أوصيك يا ولدى
أوصيك يا ولدى
أوصيك يا ولدى تحب بلدى
أوصيك ما تفرط فيها. وبروحك تفديها
ولا تسيب خاين يدوس عليها هيا حياتى وكل أملى
أوصيك يا ولدى تحب بلدى
من خيرها عايشين
وعلى أرضها ماشيين
هى الطيبه أرض الرسالات
كرمها ربى فى الآيات
أى غريب يدخلها
يقف ويقول عجبى
أوصيك يا ولدى تحب بلدى
هى جميله وحبيبه هى دايما عفيفه
فاتحه بابها تحضن كل ضيف
ويعيش عليها من غير خوف
وعلى أرضها يطوف ويشوف
حضاره من زمان ونيل يروى العطشان هبه من الرحمان
هيا وسام على صدري
أوصيك يا ولدى تحب بلدى
كلمات محمد محمود محمد يونس
