الخسائر المتوقعه لنادي الزمالك بعد قرار الاعتزار عن مباراه السوبر المصري .
كتب راجي العموري
🔴بعد انسحاب الزمالك بنص ساعة كان اتوفر بديل قوي هيلعب قدام الأهلي فبالتالي مفيش أزمة اتصدرت ولا حد خسر غيرك
🔴فقدت فرصة المنافسة على اللقب وهو الحاجة الوحيدة اللي فاضل لك السنة دي بعد خسارة الدوري والكاس وكاس الرابطة وكاس أفريقيا وكاس سوبر السنة اللي فاتت .
🔴ضيعت فرصة تصدير مشاكل للأهلي في حالة الخسارة لأنك مكنتش هتخسر حاجة في حالة الخسارة لأن الموسم بتاعك كدة كدة بايظ لكن في حالة المكسب كنت هتدخل الأهلي في مرحلة شك وتضغط عليه نفسيا باقي الموسم
🔴خسرت نص مليون دولار على الأقل في حالة الخسارة ومليون دولار في حالة المكسب اللي هي تقريبا نص غرامة كهربا اللي بقالك سنتين بتجري وراها ودي كانت هتحل جزء كبير من أزمتك المالية
🔴خسرت جزء كبير من تعاطف الدولة معاك واللي ساندتك كتير طول الفترة اللي فاتت وخسرت كمان الإمارات اللي أكيد مش هتنسى لك الموقف.
ده غير استمرار استعداء اتحاد الكورة اللي ياما كان واقف معاك طول السنين اللي فاتت
🔴هتتحرم من فرصة المشاركة في السوبر الجاي (لما تحقق لقب) وكمان اللي بعده وبالتالي خسائر مادية جديدة، وخسارة معنوية من تضيع فرصة المنافسة على بطولة سهلة من ماتش واحد مرتين على التوالي
🔴الفرق الكبير في الرعاية بينك وبين الأهلي هيزيد لأن مين الراعي العبيط اللي يرعى نادي بينسحب من بطولة مهمة قبلها بيومين وبيتكلم رئيسه عن إن الدولة كلها ضده وبتهدده بحل مجلس الإدارة وبسجنه، يخاطر بفلوسه في مكان مش مستقر زي ده ليه؟
🔴 عملت ازمة ثقة داخل فريقك والجهاز الفني ودول ماتقدرش تضحك عليهم وتقول انسحبت عشان مبدأ
او ظلم وقع عليك..الغالبية شايفة انك انسحبت لانك
مرعوب وخايف من هزيمة ثقيلة لا تنسي .
🔴 خسرت الحليف الدائم لك وتوأمك بيراميدز بسوء التصرف والثقة في كلام الكابتن الشريب نيدو
انه اتفق مع ملاك النادي علي الانسحاب
وطلع كلامه بلح..فاطلقت زبانيتك من الاعلام لسباب بيراميدز ومسئوليه ومالكه..رغم انهم كانوا بيساعدوك
فنيا وماديا.
كل دي خساير من قرارك وفي المقابل كسبت إيه؟
بعد انسحابك بربع ساعة كان البديل موجود ومحصلش إنك صدرت أزمة
ولا موقفك فرق مع حد ولا هيغير حاجة في قرار لجنة الاستئناف وكهربا هيفضل يلعب والأهلي ممكن ياخد بطولة جديدة يبعد بيها عنك
وسيبك من المغيبات وادوات الالهاء اللي بيبيعها كابتن ميزو واصحابه بتاعة التدخل الحكومي وهنروح الفيفا ونوقف النشاط الرياضي ونلغي الأهلي دي لأن كل ده بلح ولو روحت الفيفا بجد هيقولوا لك روح العب بعيد من أول جلسة لأن مش ده التدخل الحكومي أصلا اللي بيعمل مشاكل
ده طعن على قرار إداري لوزير تنفيذي قدام سلطة قضائية مش اتحاد كورة منتخب زي اللي انت اشتكيته من كام شهر في القضاء الإداري “برضه” عشان مش راضي يقيد لك لاعيبة
كان عندك معارك كتير تخوضها بجد طول الفترة اللي فاتت لكنك نشنت على أكتر معركة خسرانة ودخلتها
الخسائر المتوقعه لنادي الزمالك بعد قرار الاعتزار عن مباراه السوبر المصري .
