الصعيدى

الصعيدى
زجل بأناملي
انا امير العاشقين
د/بهجت الشريف
………………..
حكم ليها وزنها ومعناها
الصعيدى عزة وكرامة
وبيها يتباها
وبشرفه بين العالمين
الكل يتغني
حبه فى القلوب
راسخ كما الجبال
والكل لقربه يتمني
الراجل يعشق صحبته
وبرجولته يتحلي
ومواقفة وسط الشدايد
على الربابة تتغني
ومهما حكيت ولا أبدعت
ولو جمعت كلامي كله
وفى الميزان ووزنت
ما وفيته حقه
اللى بيه على الكل يتعلي
كريم واصيل
والرجولة على اديه تتجلي
يا ابو الادب والذوق
يا صعيدي
وصوتك وراسك عاليه لفوق
وعرقك وجودك
ودم حامي فى العروق
أسد وسط الشدايد
وفى اجمل الصور
الكل
الكل وصفوك
أصل الرجال على مر الاجيال
و فى سجل التاريخ
حطوك
رغم كل حاقد ولا حاسد
على جبين الزمان رسموك
شمس منوره
واسمك بحروف من نور كتبوك
تحياتي واحترامي
لكل صعيدى راجل جدع
ملك على القلوب وضعوك
وانا قصاد رب العالمين
أشهدلك
يا صعيدي يا منبع الرجولة والشرف
ولى الشرف كل الشرف
اني ابنك
اني منك
من لحمك ودمك
ان الرجولة والشرف بتجري فدمك
مهما الزمان دار
ولف عليهم المدار
فقلبى حبي ليك
مع كل طلعة نهار
وكل الخلايق على الكل رفعك
تسلم الام اللى جابت
ويسلم الاب اللى ربى
والخال اللى علم
ويسلم العم
وأبن عم العم
وخلص الكلام يا عم
لا مخلصش
الصعيد راجل
شيال الهم وكاسر الغم
وفى المعارك
الكل بيه يتحامي
وحواليه الكل يتلم
ومهما اقول واعيد
وفى صفاته وملامحه
اودى واجيب ولا حتي أزيد
حقة اكبر بكتير
والرجولة على اديه تتعد
ورب العالمين هو اللى بيريد
راجل وقاىد وفى الحق عنيد
ربنا خلقه بين العبيد
سيد ابن سيد
وده مش بالمزاج ولا بالايد
ده حق
وقال فيه التاريخ
وسط الشدايد
فارس ويده وقلبه
حديد فى حديد
يا رب يحميك
ولبلادك
حامي الحمي
أسد وعنيد
………………
الصعيدى
زجل بأناملي
انا امير العاشقين
د/بهجت الشريف ..