…..انا من زمان……
كلمات يحيى العبادي
==============
انا من زمان …لو تفتكر
لسه بوقتي…….. بفتخر
مهما عشت وشفت تاني
كل الي فات طيب عطر
انا مش هاقول كنت ايه
كل الي راح انا مش ناسيه
لا تقولي كنت وكنت عارف
الماضي بحر غرقت فيه
انا من زمان لو كنت فاكر
انا لسه في الماضي بذاكر
عاشق لكل قديم اصيل
حامد لرب الكون وشاكر
اياك تقولي انسي الي فات
الماضي عمره يوم ما مات
عدت علينا سنين كتير
اجمل مافيها ….الذكريات
الوقت عدي كتير ودار
كبرو الي كانو يوم صغار
ولسه جواهم ……حنين
لكل ماضي ..مش هزار
الكلمه كانت مره وحده
كانت حروف الكلمه جامده
الي يقولها… الكل يسمع
يرد علي الي قالها بورده
انا من زمان والوقت فات
والباقي ممكن يادوب سعات
والقلب لسه جواه ….كتير
ه يعيش .يموت ب الذكريات
……..انا من زمان ………
================
