بلوم عليك

 شعر/سكينة الصولى

بلوم على عينى إللى هوت رؤياك

وبعتب على قلبى إللى مشى فى هواك

وبخاصم شكل الحب رغم إني بستناك 

لكن ياقلبي خلاص هنسي وهمشى معاك

وعشان تهون أيامى وأنسى قلق أوهامى 

وألقى الأنيس فى منامى سكة هوى وغرام

وأمشى مع الأيام آلاقيك ملازمنى

وزعلان يالوم منى وزعلك مجننى

خليتنى غصب عنى ألوم على نفسى

وأعيش مع يأسي ويادنيا ليه تقسي

وتزرعى الألغام فى سكة الأحلام

وأحزن على أحلامى إللى ضاعت قدامى 

ويادنيا أااه ياغرامى إزاى أعيش تانى

وأغرق فى أحزانى وأن قلت أااه يانى

يادنيا واخدانى لسكة التايهين

وأشكى يادنيا لمين القلب واللا العين

وللا أشتكى الاتنين والحب آخرته فين 

ياقلبي فهمنى بلاش تخاف منى

ولوم على اللايمين