الشعر
حاجز ومسافر بكرة
خواطر أغاني الأسواني
كلمات/أحمد عبد الدايم
حاجز ومسافر بكرة
ومودع خلاني
وديني عايش عالذكرى
موش ضامن أرجع تاني
ليا صاحب وليا حبيب
والغريب قبل القريب
يا هلترى لما أغيب
ألاقي الناس فكراني
…..
ماشي وناوي الرحيل
غصب عني ومجبور
وخايف دمعي يسيل
عزولي يصيبه الغرور
قلت اتغرب وأشوف
ماشي في طريق مكشوف
طب اعمل ايه أنا للظروف
والدنيا معنداني
……
حاجز ومسافر بكرة
ودموعي بعيوني
على ناس أنا حبيتهم
وهما كمان حبوني
ياترى لما اكون متباعد
والأمر بينا يكون متصاعد
ألاقي مكاني قاعد
ولا فيه اللي أخد مكاني
