( حكاية صورة ))
البيت وناسة
حكاية صورة البيت وناسة
وليد حسين عمر
بيقولوا ويحكوا أن الصورة هى خير دليل ولو تأملنا الصورة ستجدها من الريف المصرى زمان وتعالوا أعرفكم يعنى إيه الفلاح المصرى اللى من الريف واللى فى بيوتهم تلاقى كل الخير
الأرض تتزرع و الغلة تتقسم نصين , نص يتباع والباقى يفضل ويتخبز فى الفرن البلدى على مدار العام …
تربية الطيور في البيت كانت بتكفى إحتياجاته من البيض واللحوم .
و تربية المواشى اللى هى رأس مالهم كانت بتوفر ليهم السمنة والألبان ويعملوا منها جبنة كمان . يعنى كان عنده إكتفاء ذاتى
كانوا بيعلموا أولاهم ويحفظوهم القرأن الكريم فى الكتاتيب ببلاش و شوفوا كانوا بيطلعوا إية : … النهاردة الناس بتدفع دم قلبها و مفيش تعليم :
حقيقى البيوت كانت من الطين بس القلوب كانت من دهب
كانوا عايشين فى خير وسعادة وطمأنينة وراحة بال, مكنش فى حالة خوف أو رعب من المستقبل . كان فى حب وإحترام ورقى فى التعاملات وأسر متماسكة ومجتمع وعائلة وصلة رحم حقيقية مش تواصل بالسوشيال ميديا حقيقى كانت حياة بسيطة بس جميلة
حقيقى مصر زمان فيها حاجة حلوة
حكاية صورة البيت وناسة
