عادل محمود
لو يزيد حزنك عليك
وتغلبك دموع عينيك
وانت فوق طاقتك وشايل
لما مال الحمل بيك
في الحياه عمال تعافر
وانت منك عمر سافر
عمر كان بالفرحه كافر
من حسابه كان ماحيك
وقتها بتعيد حسابك
وكل لحظه من عذابك
كل واحد له نصيب
م الباقي وم اللي سابك
تجري تعمل الف حاجز
وحدتك تبقي الطريق
تبقي زي اسد وعاجز
والحياه موت بالبطيئ
لما تجري ع اللي منك
وفي شدتك يتخلو عنك
كلهم بيمصو دمك
ولا حد فيهم كان شاريك
اللي صاحبك لجل مالك
في الوجع ماقالش مالك
كان بيضحك عاجبه حالك
دنيتك بتهد فيك…
دنيتك بتهد فيك
