قصه حصلت معي من وقت قصير سأكتبها قصيدةً الآن
زجل قصيدة باللهجة العامية اللبنانية
عقد لولو
ليش لقائي عن الشاشه زحتوا
لأني سركن للعالم فضحتوا
الحقيقه ما بتناسب الجهال
ربحتوا بمالكن لكن ما ربحتوا
رشيتوا مديرها بخزنة مال
ومزيعه تحت نعالها انبطحتوا
حتى عن الشاشه المؤتمر ينشال
بعقد لولو بالرقبه نجحتوا
الأول مُدعي بالشعر قوال
التاني غص اختنق في بحتوا
الثالث الدمع من عيونوا سال
الرابع شفرتوا بكفوا جرحتوا
رجعوا اتفقوا عاشعر الأرتجال
كل شاعر بكفوا ينحت لوحتوا
بغضب ومرجلي فجرت نبع نهال
ما قدروا يلحقوا مهري بشبحتوا
قالوا دخلك لا تهز الغربال
منتعرى من الشعر ولبس طرحتوا
مجالك بالزجل أبعد مجال
ومُهرك ما حدا بيلحق جمحتوا
من الصخر خلقت صوره للجمال
خمسين عام بعدني بنحتوا
المال ما بيصنع شاعر خيال
والشعر أسمىٰ من رشاوي المال
وأوسع من الكون بلمحتوا
بقلم الأديب والشاعر يوشع علي إسماعيل
زجل قصيدة باللهجة العامية اللبنانية
