زجل قصيد باللهجه العاميه اللبنانيه
………
حلم
……..
انشالله بعهد الرِئاسي الجديد
لبنان الفرحه والبسمه يستعيد
ويزيح عتم نهاروا أظلم
ويكسيه بثوب النور الفريد
ياما لبنان وشعبوا تألم
وياما السكين وصلت للوريد
وياما الجرح فينا علّْم
وياما انكوينا بجمر الحديد
حلنا بقى من الماضي نتعلم
ومن غلط حُكام الجهل نستفيد
ونبني وطن فيه منحلم
يكون بعدالتوا للعالم بريد
ياما عا أرضنا غيرنا أولم
وسخر بمالوا كبار العبيد
ورقاب الشعب للسكين سلّْم
حتى عاخزنتوا جوهره يزيد
اليوم الوطن هالجرح لملم
وطلق سياسة العبد لبعيد
مسيحي وكل من وجهوا أسلم
صف واحد مشوا إيد بإيد
راية بلادنا قائد تسلم
تيعبر فينا البر الحميد
ويرد الجوهره لوطن علّْم
حرف الضاد للشرق كلوا
ويحفظ تاريخ لبنان التليد
…………. …………..
بقلم الأديب والشاعر يوشع علي إسماعيل
زجل قصيد باللهجه العاميه اللبنانيه
