شايل للبلدي حب لا قادر افسره ولا ينفع ليه ادارى

مصر

شايل للبلدي حب لا قادر افسره ولا ينفع ليه ادارى
في ايه احبك بس مساري فيكي ماشي عكسي واجباري
وخايف لعمري فيكي يضيع في زحمه الحواري
وازاي اول م اسيبك ارجع احن للشوارع وضيقتي من الكباري
وبتوحشني فجريتك وصياح الديك على بيت جاري
والندى نازل على زرع الارض اللي جاري
والنسمتين لما تحرك نيلك الاقي همك بيحلالي
بهية اوي وتتحبي ولا بعرف لحبك ياحلوه اداري
فأنا لا قادر اكرهك ولا عارف ابيعك وعلى طول بحبك وشاري
وازعل منك والاقي هواكي في دمي ساري
وازاي يا حلوه سالبه مني كل اختياري
يا صبيه قوليلي طب ازاي فيكي الاحلام تتحقق وتطفي ناري
وازاي الفرحه فيكي صادقة رغم همك وقلبك شيال وبيداري
يمكن عشان انا منك بحبك يمكن عشان فيكي ارضي وداري
ولفيت كتير مش غصب عني دا باختياري
وشوفت اراضي كتير ويفضل حبك في قلبي اضطراري
شايل ليكي يا حلوه حب لا قادر افسره ولا ينفع ليه اداري

بقلم
هاجر سرحان