صدي صوتي شعر /سكنية الصولى بأنده وبأعلي صوت مش لاقية غير سكوت حتى الصدى فى المدى بيسافر بالريموت وماشى جوة تابوت لكن صدى صوتي بيدوى فى سكوتى يعلن فى كل المدى إن صياحى أبتدى يغطى كل الصدى يخرص ودان العدا ويعيدنى من موتى ويعلن صدى صوتى إما الصدى المجروح عايش حلاوة روح وياروح مابعدك روح أمتى تلبي الندا ونخرص قلوب العدا ياحبيبي إسمعنى داأنا بهواك معنى فبلاش تودعنى وتسيبنى فى عز الشوق قلبي فى هواك مخنوق والنبض فيه مسروق نفسى عشانى تروق وتلبي كل الندا وكفاية تظلم قلبي إللى بهواك معبي ورغم ذلك مخبي لا يشمتوا العدا ياحبيبي لبي الندا صدى صوتى
