بتاريخ 27/12/2023
قصيدة (نبش القبور)
تحياتي للشعب الفلسطيني
بقلم الشاعر المصري أحمد إبراهيم النجار
اللي راقص ف المواسم
واللى داعم للمجازر
واللى نابش ف المقابر
اااااااااه يا مجلس أُممي عاهر
غزة غزة ليه تُباد؟
لما صوت الحق ضايع
قصف قتل وحزن ساكن
جوة قلبي بالمواجع
آه يا فيتو نباح كلاب
فوق منابر الضباع
قالوا حق الإنسانية
فى بنود مواثيق خداع
واللى بايع ف القضية
واللى داعم صهيونية
واللي خاين للقضية
كلهم أولاد غبيه
حقي دايما مني ضاع
بين دروب فيها النفاق
واللي عايش بالغباء
واللي عاشق صهيونية
واللي راكع واللي راقص
واللي هازز بالعقال
واللي طبّع واللي خان
واللي ناصب المسارح
واللي حاشد ف المواسم
واللي عامل إحتفال
ودمي سايل ع الأراضي
وف الدروب ف الميدان
كله دعم الأمريكان
اه يا مجلس أممي ظالم
اه يا شال مجرم وخيان
حقي منكم والله ضاع
حقي أصرخ ألف اااااااااه
يا ضمير الإنسانية
فين ضمير الحق فين؟
لما دم الطفل سال
بين عيون كل البشر
آلله ينعل إحتلال
الله ينعل كل داعم
الله ينعل كل داعش
واللي ساكت ده شيطان
اللي دمّر أرض غزة
واللي قاصف المشافي
والجوامع والمدارس
واللي دابح ف العيال
آه يا مجلس أممي سافل
آه يا فيتو كلاب وفاجر
للصهاينه كله راكع
كله خاضع كله داعم
لدواعش إحتلال
واللي قاتل فى البريئ
واللي أشعل الطريق
واللي راقص فى المجازر
الله ينعل كل ظالم
من صهاينة مجرمين
فينا ليه الحق غايب
فينا ليه مات الضمير؟
بقلم الشاعر المصري أحمد إبراهيم النجار
