قصيده بعنوان /إبن أمي

إبن أمي
جلال محمد
كفرالشيخ
……………..
مهما كان قاسي
هو. نور. عيني
ومن جوه قلبي
دا إحساسي
إبن أمي
وعليه أبويا
وصاني
قاللي دا أخوك
وف حياتك شئ
أساسي
ف الحياه سندك
هو من بين الناس
ظهرك
خاف عليه وإعتبره
إبنك
أخويا حته مني
وياما ناس حاولت
تفرق بينه وبيني
مايعرفوش
إن دمه هودمي
واللي يزعله .
يزعلني
ياخايبين
ماتحولوش
علينا متقدروش
وأمي عليه وصتني
الأخ يابني ملوش
بديل
وإوعاك تشِمت
فيه عزول
ومتبقاش معاه
عويل
يابن بطني
وضنايا
إوعي يوم تهين
أخوك
عشان متبقاش
قليل الربايه
وإن مال عليه
الزمان
قولوا أنا جانبك
ياخويا
……. ……
2023/8/13