قلمي الجميل
انا قلمي بقى خايف يكتب
وعلى روحه بيلف و يكذب
عمال يقول فيه سميعه وكلمنا
هو اللي هيغلب
لأن فيه معنى ومغزى وللجمال
عمال يجلب
مش هلس فاضي وخدش حياء
وللتفاهة عمال يكتب
قلمي اللي صوته ضمير وحياء
مش في العقول عمال يخرب
قلم السفيه عمال يحسب
بعد التفاهة في جيوب يحلب
وكلام سفيه قال مهرجنات
وبلطجي عامل مطرب
أصوات نعير ويا الطنطيت
وكلام هدام مش مترتب
والله اشك انه مدبر
ومكيده جايه عشان تخرب
عايزين يغيبوا في عقولنا
والفكر مننا بقى يهرب
نبعد عن العلم وأهله
والجهل مننا يتقرب
اصحوا وفوقوا ياسميعة
مش أي بير تنزل تشرب
وتقول أدوق كده وأجرب
واكتب ياقلمي كل جميل
وم التفاهة أوعى تقرب
خليك ياقلمي بحبر أصيل
مداده عربي أوعى تغرب
واكتب غناوي لأرض النيل
وعن عدو مننا يهرب
لما يشوف شبابنا الزين
وهو من دمه بيشرب
اكتب وشجع كل جميل
واوعاك في يوم مننا تندب
بقلم الشاعر فهمى محمود حجازى
قلمي الجميل
