كارثه استبعاد نجم العالم والمصنف رقم 7 عالمياً من منتخب مصر بسبب انضمامه للاتحاد السكندري.

كارثه استبعاد نجم العالم والمصنف رقم 7 عالمياً من منتخب مصر بسبب انضمامه للاتحاد السكندري.

كتب : محمد مجدي

كشفت والدة اللاعب علي الدين وسام لاعب نادي الاتحاد السكندري الجديد ولاعب منتخبنا المصري لكرة السلة عن كارثة قد ارتكبه المدير الفني للفراعنة بإستبعاد اللاعب من القائمة النهائية المشاركه بكأس العالم قبل انطلاق البطولة بشهر وذلك بسبب انضمام علي لنادي الاتحاد السكندري.

ونشرت السيدة الفاضلة والدة علي الدين وسام جابر تقرير مفصل عبر حسابه الشخصي على موقع التواصل الاجتماعي فيس بوك عن كافة تفاصيل ما حصل مع نجله المصنف السابع عالمياً والحاصل على شارة قيادة الفراعنة قبل استبعاده بشهر.

وقد جائت تفاصيل استبعاد علي الدين من منتخب مصر على النحو التالي حسب ما نشرته والدته عبر حسابها الرسمي.

انا والده اللاعب الخلوق علي الدين وسام جابر لاعب نادي الاتحاد السكندري تحت ٢٠ سنه و المصنف رقم ٧ علي العالم والاول علي مصر في 3on3 والي مثل مصر في بطوله افريقا تحت ١٦ سنه خمسه علي خمسه وحصل علي top scorer في مجموع الماتشات واتاهلوا لكاس العالم.. ثم شارك العام الماضي في بطوله افريقيا 3on3 وحصل هو وفريقه علي المركز الاول والي من المفترض يكون مؤهل لكأس العالم في المجر نهايه الشهر الحالي .. بس كانت المفجأه ان تم استبعاده في المجموعه قبل الاخيره بعد توليه مهام كابتن الفريق ب ٧٢ ساعه من قبل المدرب القديرررر الي تقريبا كان في قوه عليا غيرت قراره .. والسبب المزمع ان عليّ كان في فتره اعداد مع فريق الدرجه الأولي بنادي الاتحاد السكندري يعني من المفترض ان يكون ده داعم وخبره ليه وبالتالي للمنتخب وعشان ابني نضيف وبيتكلم بنضافه وبعد ما بدا المدرب بالبلدي كده يتلككله ويقوله انت مش عاجبني فابني قاله مش عارف والله انا تمام بس ممكن اكون مجهد شويه من ضغط التمارين مش اكتر فكان رد المدرب لا انا عايز لاعيب جاي فريش من علي البحر تقريبا… فمن الواضح طبعا ان الولد اداله السكينه الي يدبحه بيها والباقي مفهوم طبعا.. ولما سالنا قالولنا اللوائح والقوانين مش بتفرض علينا ناخذ لاعب متصنف علي العالم !!!.. احب اقولكم انها مش بتفرض عليكم لانكوا في الاغلب عمر ما كان عندكم لاعب متصنف علي العالم …. وبعدين كانت معاير اختيار المدرب الي هيختار اللاعيبه ويمثل مصر غير لون الفانله !! مع العلم انا ابني بقاله ٨٠ يوم ملتزم ببرنامج اعداد بدني وفني وغذائي بمساعدة والده الكابتن وسام جابر عشان يكون علي اتم استعداد والحمد لله الناس كلها عارفه مين هو عليّ من اخلاق لالتزام لرجوله تفتخر بيها اي أم والحمد لله علي مستوي 3on3 هو الافضل بشهاده الجميع حتي زمايله .. حقيقي انا متأسفه ان ده حال المنتخب وآسفه علي الي ابني وغيره بيشوفوه من كم وسايط ومحسوبيات وقرف وزقة يمين وزقه شمال وتحيز لانديه بعينها وغيره وغيره .. انا ابني مخسرش بالعكس انتوا الي خسرتوا لاعب قلبه علي البطوله اكتر من اي واحد فيكم من اكبركم لاصغركم ابني كان نايم قايم بيحلم بالبطوله وازاي ممكن مصر تحقق مركز فيها و بالنسبه للاهالي الي بتقبل ان ولادها ياخدوا حق مش حقهم صدقوني انتوا الي خسرانين وخسارنين اوي كمان وهتشوفوا الخساره بعنيكم اما بالنسبه للمنظومه فانتم لا شفتوا ولا هتشوفوا خير طول مهي ماشيه كده بجد كم قرف مش طبيعي بس انا مش هسيب حق ابني المره دي لان للاسف الناس المحترمه والي بتتعامل باخلاق هي الي بقت بتاخد علي دماغها علي كل المستويات وهخاطب الاتحاد الدولي يفديوهات لابني والاحصائيات بتاعته خلال السنين الي فاتت عشان يراجعوا اللوائح والقوانين الي عندنا في العزبه !! .. كفايه قرف بقا من اختيارات لترشيحات مهزله بكل المقايس وعلي كل المستويات والنتيجه باينه في كل المنتخبات.. وبعترف اني كنت غلط وربيت ابني غلط ربيته علي الاحترام وان المجهود والالتزام لوحدهم كفايه حسبي الله ونعم الوكيل في قهرة قلب ابني حسبي الله ونعم الوكيل في كل شخص مسئول عن مكان مش بيراعي ربنا فيه وبيقهر انسان مضيع اجازته وشبابه في انه يتمرن ليل نهار بدل ما يخرج زي كل الي في سنه ويستمتع بوقته عشان يمثل بلده ويشرفنا كلنا انا متشرفه بيك اقسم بالله فوق الوصف يا حبيبي حسبك ربنا الي بتلجأ له دايما قبل ما بتلجأ لاي حد فينا. 

كارثه استبعاد نجم العالم والمصنف رقم 7 عالمياً من منتخب مصر بسبب انضمامه للاتحاد السكندري.