طبعا كلنا اكيد عندنا كبار سن سواء أكان الأب أو الأم أو الجد والجدة أو غيرهم من الأقارب لو بصينا عليهم هتلاقيها فقدوا من حيوية شبابهم وعافية أجسامهم ونضارة شكلهم وامجاد مناصبهم وبهجة ولذة الحياة فهم قد فقدوا والديهم وكثير من زملائهم واصبحت قلوبهم جريحة ونفوسهم مطوية علي كثير من الأحزان وانهم معدوش محور البيوت ومركز العيلة زي ماكانوا قبل كده فلازم ننتبه لهم فهم بيتظاهروا بالرقاد ومش بيناموا وتلاقيهم بيضحكوا وهم مش فرحانين وبيداروا دمعتهم بابتسامتهم وبيبقوا حساسين جدا وبيؤلمهم بعد عيالهم عنهم أو أنك تنشغل بموبايلك وانت معاهم هم بيحتاجوا اللي يشاركهم الحديث ويكون سعيد وهو معاهم فنجدهم اولي من الأطفال بالرعاية والحنية عليهم هم مش بحاجة بس للأكل والشرب واللبس والدوا هم كمان بحاجة للبسمة مننا في وجوهم وكلمة طيبة يسمعوها وايد حنينة تطبطب عليهم وتجبر خاطرهم لأنهم بيعانوا من الفراغ بيحتاجوا لابناء وأقارب رحماء يملؤن الفراغ ده فهم قد غادر بهم قطار اللذة واصبحوا في صالة انتظار الرحيل وهم قريبين من الله ودعاهم أقرب للقبول فنستغل وجودهم ودعواتهم قبل ماينفذ الرصيد واحنا طبعا لازم نجعلهم يعيشوا اوقاتا سعيدة بصحبتنا وان نبرهم حتي اذا خلا مكانهم منندمش علي التقصير في حقهم وهيجي يوم ونصبح احنا مكانهم كبار سن فاللي زرعناه هنحصده . فسلام علي كبار السن وسلام على من يراعون كبار السن
