كيفية مواجهة الإيذاء مع الٱخرين؟
بقلم د. محمد المصرى/الباحث الإسلامى
لما تتعرض لايذاء او مشاكل من الاخرين بلاش انتقام وغضب وتشويه سمعة الناس واعرف ايه هي تعاملات الاسوياء عند تعرضهم للايذاء…
وهي سلوكيات نص عليها القرآن…
اولا :الصبر الجميل::::::
.. هو صبر بلا غضب او شكوي..
يعني لما تكون في مشكلة متقولش انا صابر وانت من جواك مضايق ومخنوق…. اصبر صبر جميل بيقين ان كله خير
لان رب الخير لا يأتي الا بالخير….
ثانيا:الصفح الجميل::::
مسامحة بلا عتاب.. وبدون تذكير باخطاء الماضي
وهو خلق سدنا النبي صلى الله عليه وسلم… سيدنا النبي كان يصفح ويسامح لتستمر الحياة
بلاش في الخلافات اليوميه تفكرو بعض باخطاء زمان
عشان تكسرو بعض وتنتصروا
انت هتكسب النقاش بس هتخسر الشخص..
لو مشكله وانتهت فهي انتهت بكل مافيها.. اوعي ترجع تفكر حد بيها….
ثالثا:الهجر الجميل ::::::
هو التراجع والبعد اثناء الخلاف ولكن مع ابداء النية للاصلاح
يعني مثلا تبعدو شويه عشان تفكرو وتهدوا مش عشان تنتقموا من بعض…
هو بعد لمنع تطور الخلاف.. لكن بلاش تبعدو عشان تغيظ الاخر وتكلم عنه في ضهروا وتسوء سمعته…
(واهجرهم هجرا جميلا) …..
رابعا:السراح الجميل::::::
السراح هو الفراق
كتير بيكون الفراق هو الحل الوحيد في حاله استحالة العشرة
في حاله لو كان استمرار العلاقه هيؤدي ان تخسروا بعض..
خلي بالك دي تعاملات الاسوياء الاتقياء عند تعرضهم للايذاء
كيفية مواجهة الإيذاء مع الٱخرين؟
اللهم صل وسلم وبارك على سيدنا محمد وعلى والديه و آله وصحبه أجمعين.
