لسه فاكر

لسه فاكر

 يحيي العبادي

الي كان فاكرني فاكر

والي ناسي مش مذاكر

والي عارف اني فاهم

مهما اعمل يبقي ناكر

الي حاصل من سنين

مش حكايه من يومين

قلبي دايما كان عليهم

برضه من اعمالهم حزين

مش في حاجه ليك معايه

مش هاتبقي انت الحكايه

لما تكبر يوم……. وتعرف

هي فين صدق…. النوايا

الحياه يادوب ….سعات

بعد ايه الوقت …فات

جي تبكي وتقول ندمت

والي جرحته كان ومات

أحسنوا حتي الحوار

حافظوا بينكم علي الكبار

مهما عشت في الحياه

هاتنتهي والقبر …دار

فوق ياعبد الله وفوق

اجري انهض روق وروق

ادي لكل حق ….حقه

اوعي تدي كلام مزوق

لسه فاكر