مصر الامان
للكتاب والشاعر صلاح على قطب
مصر الامان يا حكاية زمان
يا نبض ساكن جوّه كل مكان
مهما الليالي تزيد علينا هموم
نرجع نقولك… إنتِ الأمان
مصر الكرامة يا صوت الحياة
فيكي البداية وفيكي النجاة
نيلِك شاهد إننا واقفين
مهما الرياح تيجي في أي اتجاه
على ترابك ألف تاريخ مكتوب
والمجد ساكن بين شطوطك دوب
نور العقيدة في قلوب ولادك
عمره ما غاب ولا يوم هيغيب
والنيل بيحكي حكايات الخلود
شايل حضارة تعدّي الحدود
ضحكته تملى الدنيا أمان
ويسقي فينا الصبر والوعود
مصر الامان يا حكاية زمان…
يا نبض ساكن جوّه كل مكان…
قالوا كلام وداروا النوايا
وخبّوا غدرهم ورا المرايا
وابتسامة كانت ستار
لكن وراها ألف حكاية
قالوا أمان… والكلمة خالية
والصدق كان في السيوف العالية
واللي يقرب يوم من أرضك
يعرف إن نارك مش عادية
مصر الامان يا حكاية زمان…
عاشر رمضان يوم ما عبرنا
والتكبير كان صوت نصرنا
سينا رجعت لحضن بلادها
والفجر من دمنا اتولد لنا
جيشك قام زي الإعصار
كسّر قيود الليل والنار
والأرض شهدت برجوع الحق
والمجد رجع بكل وقار
مصر الامان يا حكاية زمان…
والنهارده بنبني بخطوة ثابتة
والحلم أكبر من أي حكاية فاتت
إيدين بتعمر وإيدين بتحمي
والنية دايمًا صافية وثابتة
طول ما جيشك واقف حارس
ولا يوم خوف هيقرب خالص
تفضل مصر منبر عز
وفجرها دايمًا نور ساطع
مصر العروبة طول السنين
هتفضل دايمًا حضن الأمين
ما دام في نيلها نبض الحياة
هيعيش مجدك ليوم الدين
للكتاب والشاعر صلاح على قطب
