من ما فيش بقلم الشاعر/فتحي ابو طاحون إن قلت لك ف يوم كرهتك. ماتستغربيش؟! حتى ان قالولك بيجيب ف سيرتك. ماتصدقيش؟! لا عاد بيهمنى خوفك ولا حتى غيرتك. اللى ما بتنتهيش!! لان اللى بينا مش غيرة حب. دة قص ريش!! ليه مفهمانى إنك بتغيرى علية ؟ وف الحقيقة مابتغريش؟! انتى لو بتحبى بجد حتثقى فية حتشترينى وماتبعيش؟! إياكى تكونى بالأسيه فاكره حتلوى. دراعى ... مابيتلويش؟! قلعتى الحب وزرعتى كره وجفا من مافيش!! ماتت المشاعر م البرد بعد الدفا وسارت الحياة أرض بدون حشيش!! بطلت أرسم قلوب ع الحيطان. وقفلت مابينى وبينك كل البيبان.. مابقتش أنا الحبيب بتاع زمان!!! فما تزعليش؟! زى ما انتى باللوع بديتى. تبقى مستبدة وأفتريتى.. ع القلب اللى حبك واشتريتى!!! حاجات ماتساويش؟! فما تلومنيش؟! ع الكآبة اللى انتى دايما تخلقيها! لاجل ما ابقى فيها طرف؟! ليه تملى كل ما بتيجى تكحليها؟ تعميها.. وتصطنعى لية القرف؟! حتى ف اوقات السعادة. منك عمرى ماشفت ترف؟! حب إيه وانا عايش فيه طير جريح؟ كل يوم نازلة فيه سلخ بعد الدبيح؟! وكل ما عوزك تبقى لية طبيب يداوى. تسبينى أعوى وما تداويش؟! انا مابقتش كمان بخاف عليكى! علشان علية مابتخافيش؟! حتى الشعر اللى كتبته بإحساسى فيكى! لاقيتك بيه مابتؤمنيش؟! فمن السعادى لا انا ملكك ولا ملك حد. انا لنفسى خلاص حعيش؟! فلو قلتلك ف يوم كرهتك؟ ماتستغربيش؟! من ما فيش
