الشعر
موجه وبحر وشمسيه
موجه وبحر وشمسيه
شعر غنائي
بقلم د.مروه شعبان
نتصور جنب قرص الشمس
ونغرق همومنا وناخد كام غطس
محدش بيعرف يرجع الأمس
طب إيه رايك في أكلة سمك
تظبط المود وتروق في دمك
دي الكابوريا تستاهل بجد فمك
العيال بتطير طياره ورق
نلعب معاهم ومفيش فرق
وندوخ أوي ونموت الأرق
يا بتاع الذرة المشوي
ليه هتمشي لسه بدري
العمر لواحده جامد بيجري
على الشيزلونج نفسي امدد
اغير جو وافصل وأجدد
الدنيا مديناني نفسي أسدد
حرك ولف شويه الشمسيه
الشمس دارت وبقت عليا
قولها تقعد وتستنى شويه
دا لسه بدري على المغربيه
برده مصمم نلم حاجتنا ونسافر
مصدقت أهرب من همي وأهاجر
حاضر يا قلبي حالا هغادر
بس اوعدني يا بحر تقوله
وتوصف اللي شوفته كله
انا سهرت الليل بطوله
ودعيت ربنا أني أنوله
موجه وبحر وشمسيه
