رد الجميل
جدع يا ولد البلد يا اصيل لما لما يكون عليك رد الجميل
اللي عمل واجب معاك تقابلة بترحاب وده شوية عليه وقليل
وفيه ناس بتنسي وتلعن في صاحب الجميل قلة الأصل متوفرة
ويقولوا دى مصالح وعاملين نفسهم ماشين كيف المسطرة
اتغيرت الناس وبقيت مش زى زمان والوجوه مهببه
زمان كنت تعرف الإنسان من وجهة وليه غدرة وايه سببه
لكن دلوقت تتوه في وشوش البشر محتاج خريطة تتدلك
يأكل معاك وهوه مبتسم وجواه بيرسم على وقعه تذلك
لكن زمان وشوشهم واضحه حتي لو كان راح يغدر بيك
في وشك يقولك عملت كذا وكذا وفي وقتها يدريك
أيام زمان راحت بناسها وخيرها راحت ومش راجعه لغيرها
واللي جاي ادعوا معايا انت وهوه علينا وعليكم ربنا يسترها
دعاء نور
