* نَفْخَت أفندي *
بَطَّل يا عم قنعرة
َو كفاية رسم وفشخرة
في الشغل عامل فيلسوف
نفخت أفندي الطاووس
مغرور ونافخ سحنتك
خابت خبيتها في خلفتك
قضيت حياتك كلها
حركات ورسم ومنظرة
و أونطة واضحة محورة
و لما حد يكشفك
و تبان حقيقة رسمتك
ردك سفالة و نقورة
ألفاظ سخيفة مقعورة
عارف حقيقة الدنيا إيه
طنطيط وجري مشورة
و آخرها فانية وبعثرة
بعد الشياكة والبِدَل
و البرفنات والأنزحة
قطنة و قماشة وقنطرة
عتمة وحفرة معفرة
* نَفْخَت أفندي *
كلمات / حاتم محمد الغيطاني
زفتى غربية مصر
