جلس خالد و عويس علي المقهي في احد ليالي الصيف الهادئة وفي حوار ودي تجاذب الصديقان حال المجتمع خاصه.
بدا عويس الحديث و سال خالد في خبث و هو يحتسي كوب الشاي الامريكاني تفتكر ياخالد لو انت مسئول في الحكومه كنت هتحل كل المشاكل اللي بيعاني منها المجتمع ازاي مثل التعليم و زياده السكان و البطاله و ارتفاع تكاليف الزواج؟ ابتسم خالد في ثقه وهو يدخن الشيشه و المعسل القص بتاكل علي نار الفحم النباتي فيعطي رائحه مميزه للمكان بسيطه خالص ياعويس ابتدي بالبحث العلمي
عويس :بحث علمي ايه ياعم خالد طب قول نبتدي بالتعليم
خالد :يابني حل كل المشاكل دي لازم يكون بفكره خارج الصندوق
عويس :المشاكل دي عشان تتحل مره واحده عايزه فكره تكسر الصندوق
خالد :ما هو ده دور البحث العلمي
عويس:ازاي؟
خالد :ببساطه اخلي وزاره البحث العلمي تقدملي تقارير عن سكان كل الدول و خاصه المتقدمه منها و بعدين تبحث عن طريق النت و وبالتعاون مع سفاراتنا في الخارج عن البلاد اللي السيدات و الفتيات بيعملوا مظاهرات فيها من اجل الزواج انا بشوف ستات كتير في بلاد متقدمه بيعملوا مظاهرات عشان يتزوجوا
عويس :فعلا انا اخر احصائية لسكان العالم كانت ٨ مليار نسمه منهم ٥.٥ مليار سيدات
يعني بمتوسط سيدتين لكل رجل
خالد :تمام انت كده حطيت ايدك علي البلف
عويس :تمام اعتبر نفسك استلمت الاحصائيات. ايه الخطوه الجايه؟
خالد :نبتدي نتواصل مع البلاد دي بطرق رسميه لتوريد عرسان سواء بطرق رسميه عن طريق الحكومه او عن طريق منظمات المجتمع المدني و المنظمات النسائيه
عويس :جميل و كل بلد تحدد مواصفات الشريك المناسب
خالد :الله ينور عليك ساعتها احنا برضه لينا نظره بمعني اهل مكه ادري بشعابها
عويس :مش فاهم؟
خالد :يعني بلد زي ألمانيا لازم نبعت ناس تسد و عندهم ياقه بدنيه. بعني الشباب للي بيطلع رمل وزلط للادوار العليا دول تاشيره المانيا اما الدول الاسكنادفيه نبعت لهم شباب السواحل يعني العريس المناسب في المكان المناسب
عويس :طب و بالنسبه للغه
خالد :الحب لا يحتاج الي لغه انما يحتاج الي افعال و رجال و كل لبيب بالاشارة يفهم
عويس :الله عليك ياعمهم
طب تفتكر ان البنات بتوع بره دول هيقبلوا درجه الوسامه اللي عندنا و هما في غايه الجمال
خالد انت لو بتفهم نفسيه الستات مش هتسأل السؤال ده
عويس :ليه؟
خالد :لان في مقوله بتقول بالضد تعرف الاشياء دايما الاشياء المختلفه تتجاذب
في الغالب الفتاه البيضاء تميل للاسمر و العكس صحيح
عويس :وتفتكر انت كده حليت المشاكل دي بالحل ده
خالد :طبعا تخيل لو تزوج ٥ مليون شاب في المرحله الاولي يبقي انت كده وفرت لغيرهم ٥ مليون وظيفه و ٥ مثلهم سكن ولو افترضنا ان كل شاب سينجب طفلين يبقي انت كده وفرت ١٠ مليون مقعد دراسي
ووفرت علي المحاكم الالاف من. قضايا الطلاق. ده المكسب المباشر انما فيه مكاسب غير مباشرة كتير
عويس :زي ايه؟
خالد :مثلا هيبقى للبلد جاليه في كل دوله
و ممكن كل شاب يوفر فرص عمل او زواج لاحد اصدقائه او اقاربه وهكذا سيدار الموقف بقوه القصور الذاتي
عارف موج البحر بيركب علي بعضه ازاي
الموضوع هيبقى كده
عويس:تصدق انها فكره جهنميه ده حتي الواد سعيد ايام ما كان في الغردقه اتجوز واحده اجنبيه و بعدها بسنتين اشتري ارض في البلد عاملها خرابه تجنن
خالد :ده بالحل ده خففنا الضغط علي المرافق فاهمني طبعا
عويس :اكيد ياربس كل م العدد يقل. المرافق تتحسن. هههه
بس مين اللي هينفذ الموضوع ده بكل تفاصيله
خالد :نرجع مرجوعنا بقي و موضوع الصندوق بتاعك ده احنا محتاحين وزاره جديده زي مافيه وزاره للصحه يبقي فيه وزاره للعافيه هي اللي تتوالي الموضوع ده
عويس تصدق فكره جديده احنا عشان نصدر قوي عامله محتاجين تعليم جيد و تدريب متميز و الموضوع هيأخذ سنين
انما الموضوع ده هيتم في ثانيه الا ثانيه
خالد :كل شئ مدروس
انت بتوفر زواج و فرصه عمل و علاقات دوليه كل ده في حركه واحده
عويس :طب اما الاعداد دي كلها تسافر وتتزوج و تشتغل الستات عندنا هتعمل ايه
خالد :امال التعدد بيعمل ايه يادغوف
احنا البلاد الوحيده اللي عندها الفرصه دي
الراجل ممكن يشيل اربعه في وقت واحد
لا تقولي صيني و لا هولندي
الكلام ده انتهي عندي
حينها قاربت الساعه علي الثانيه عشر ليلا و استئذن خالد بالانصراف ليلحق بعمله في البنك حيث اليوم موعد صرف معاش الارامل و المطلقات
تمت
م محمود عبد الفضيل /مصر
