ونقطه من اول السطر
عايزين ايه من مصر
بقلم د/حماد مسلم
هو مين المسئول ولا فين المسئول مصر ياساده بتواجه اكبر مخطط لتشويه صورتها في العالم والسياحة في مصر بتتضرب عيني عينك والاف الاسر عائلها بيتشرد ودولارات السياحة ببتسخط حتي بالجنيه المصري مش موجوده هناك ايادي خفية لضرب السياحة في مصر ..كنا طرحنا مبادرة لتنشيط السياحة الداخلية في مصر وحدنا للاسف الشديد اصحاب الفنادق والقري السياحية والمنتجعات ضربين في العالي علشان اسره تفكر تصيف زي البني ادمين محتاجه ميزانية وياسلام لو الاسره حبت تصيف في احد فنادق الساحل ولا شرم والغرقة بكل امانة رجال السياحة في مصر ضدد السياحة بالظبط كده مثل الشباب والرياضة ضدد الرياضه كرهتوا الناس في بلادهم جعلتوا الناس تصاب بامراض الدنيا والاخره وفي الاخر بتلوموا الناس اللي بتصيف بره ..كفايه علينا الشحاتين والنصابين مش يضربوا السياحه في مصر بس لا دي يكرهوك تيجي مصر ولا تفكر تزور مصر ..الليلة في فندق كليوباترا الساحل بتاع محمد ابو العينين ب8000 جنية يعني لو قعدت اسبوع ب56 الف جنية شامل الاكل والشرب والبيسين بس وفي فندق في الصحراء . في حين انك تقدر تقعد في فندق علي نفس المستوي في اجمل شواطئ تركيا ب150 دولار يعني حوالي 2800 جنية وده طبعا بيبقي رحلة باكدج شامل طيران واقامة ورحلات داخلية لاشهر معالم تركيا ده غير المعاملة الراقية ليك مش كل ما تاخد اي خطوة تلاقي حد عايز بقشيش وبمجرد ما انك تخرج برة الفندق هتلاقي ازازة المية ب30 جنية وهيتعاملوا معاك كانك ثري عربي وانت بتشتري اي حاجة اكل او هدايا..هتحس انك فار وقع في مصيدة ومش هيسيبوك غير ما تخلص فلوسك وده مبيحصلش في اي مكان في العالم غير عندنا…قبل،ما تلوم اي مصري انه بيسافر تركيا وماليزيا ودول تانية
…انزل الاهرامات وشوف كمية البلطجية والشمامين اللي واقفين علي البوابات يستفذوا السياح وينصبوا عليهم بالتعاون مع امناء الشرطة والمخبرين ويخلوهم يحلفوا انهم مش راجعين مصر تاني..
احنا احلى وأغنى بلد سياحية فى العالم. وممكن تدخل ثروات هائلة. البلد. بس الإدارة السياحية ومعاملة الناس لهم
لازم تغير جذري……..عزيزي القارئ لدينا مقومات السياحة ولكن لدينا الفساد والمحسوبية ومتعرفش انا ابن مين وعندنا ابن الباشا والمواطن الكحيان
…..الخلاصة
السياحة في مصر بتواجه اكبر مخطط لتدميرها
….فيتوووووو
عايزين ايه من مصر
