يا عم بص قدامك
مالكش، دعوة باللى وراك خليك ياسيدى، فى حالك
وسيب الملك للى سواك
بتبص على صاحبك ليه
علشان معاه مال انت تعرف راح منه ايه
محروم من صحة وعيال
بتبص عليه علشان صحته تمام
قصادها حاجات كتير راحت منه
مفيش مال معاه
ولا فيش عيال سنداه
ودى صحته مساعداه
علشان يجيب قوته
علشان نام من غير عمل
اتحكم عليه بقى بموته
ومفيش اكتر من،ذل السؤال
دا الدنيا ربك وازنها بمكيال
بتبص على جارك
وبتتبهى ضده بعيالك
وتزعل لو يوم جالك
وسألك لله فى سؤال
زميلك فى العمل فرحان
ياعم ماتفرح كمان وياه
لا فرحه هيضرك
ولا حزنه هيفيدك
وايه هجيلك من الطغيان
ماشى،مابين الناس بنميمة
وقيعة الناس ببعض صبحت غنيمة
نويالك زيف وخراب ومش سليمة
وتزعل لما يتقال عليك فتان
ياعم خليك إنسان
وبص قدامك
مالك ومال الناس
دا ربك موزع،ملكه
وكل شىء بمقاس
اللى فى خير يستاهل
واللى فى شر يستاهل
ياعم خليك في حالك
وخلى القناعة فى دنيتك
هى سبيل وأساس
