،،،كلامهم داب،،،
دماغي اتشلت وتفكيري بقى تفكير واحد حيران
صحيت من نومي وضميري نايم مش صاحي زي زمان
وفجاه لقيت الناس من حواليا بتتغير
كلامهم داب وكان يا مكان
وما شافوش ان انا انسان
بحب وليه احساسي وليا كيان
شوفوني بجد زيي زي الحيوان
واللي قال العشره ما بتهونش
تعال وشوفني وانا قاعد بين4 حيطان
بكلم حيطه والثانيه تصبرني بس انا تعبان
لما حد يكون كل حاجه ليك وفجاه يموت
وخلاص عرفت واتاكدت انه مش موجود
بتصبر وتستحمل وربنا بيهون عليك وزعلك بيبقى مهما يكون محدود
ولو الحد ده موجود وربنا يخليه وانا بتمنى اشوف الفرحه ترجع ليه ويبقى سعيد
لو موجود وما لقيتهوش وسابك
وهو لوحده كان عندك اغلى احبابك
بدون اسباب ومره واحده بيقفل في وشك الباب
يكون الموت اهون على الواحد من انه يعيش
في يوم وفي ليله احلامك بتتحول
عشان سابك وسايب جرح علامته معاك هتطول
وكسره قلب ما ينفعش معاها تجبيس
وعشان تعيش محتاج لى عملية جراحية
ضلوعك فيها تتكسرو ياخدوا قلبك المجروح
ويدوك قلب انسان يكون عنده حاجه اسمها سذاجه
واحساسه يكون معدوم وهمه يكون في اكل ونوم
ويسيب الحب للمجنون اللي مش فارق معاه حاجه
سبحان مغير الاحوال نصيبك مهما كان جنبك في لحظه يطير
ولو كان بعيد عنك يرجع وينده لك كأنه من الاول ما مشيش
كلمات اسلام حسن
،،،كلامهم داب،،،
