أصعب غربة/بقلم: فهمى محمود حجازى
أصعب غربة مش بالسفر
أصعب غربة غربة قلب
بين قلوب أمر من الحجر
لما تعطي كل حاجة وتسعد
حبايبك م البشر
وكان عطاءك أكتر من غيث
المطر
والزرع اللي اتروى أصبح
شجر
وتمد ايدك تجني حاجة
من الثمر
يعطيك مراره وما تحصد
منه غير الضرر
لما تدفع تمن المحبة
وتحصده حطب الشجر
إحساس مرير في ليل
ضرير مليان خطر
وكأن ليلك من غير قمر
فقد البصر
والحب فيها من القساوة
بينتحر
غربتنا صعبة لو انكسر
فيها الغريب مابينجبر
أما اللي سافر وراح بعيد
قلبه يسافر في ليل سهر
ويروح يسلم ع الحبيب
وكل ليلة بيُنتظر
عارف بأن الشوق إليه
من مابينفطر
غربتنا دي موت القلوب
ضحاياها بِنا بتنتشر
بقلم فهمى محمود حجازى
أصعب غربة/بقلم: فهمى محمود حجازى
