أفكار خارج الصندوق
كتب/سعيد ابراهيم
عدد ركاب المترو في جميع الخطوط يقارب 3.5 مليون راكب وقابلة للزيادة .
يعني في 3.5 مليون تذكرة بيتم طباعتهم يومياً.
تفتكر تكلفة طباعة التذكرة الواحده كام !!
عشر قروش مثلاً؟
كده معناه ان تكلفة طباعة التذاكر ورق وحبر بس ، حوالي 350 الف جنيه في اليوم .
يعني 10 مليون و500الف جنيه في الشهر ، تذاكر بتترمي علي الارض .
يعني في السنه داخلين في 125 مليون جنيه طباعة تذاكر بس .
نعمل إيه إحنا؟
نعمل كده
خد يا عم بيبسي ، تعالي يا عم كوكاكولا ، تعالي يا عم جبنة دومتي وعبور لاند و رودس وانت يا عم شيبسي وتيجر ، إيه رايكم تحطوا اعلاناتكم علي ظهر تذكرة المترو ، والاعلان هيكون بالتكلفة فقط ، يعني الاعلان علي ظهر ال 3.5 مليون تذكرة ، تكلفته 350 الف جنيه بس ، أرخص من أرخص اعلان في برنامج عمرو اديب أبو دقيقه ونص ، والشعب المصري كله يمشي شايل أسم المنتج بتاعك علي ضهر التذكره رايح جاي يوم كامل .
وعايز تعمل للركاب سحب علي ارقام التذاكر بجوايز يوميه، علشان الناس تهتم بالإعلان وتحتفظ به ، إعمل خير وبركه، ان شاء الله اللي يفوز يكسب قسيمة شرائية من المنتج بتاعك ، المهم تشد انتباه الناس لحاجتك .
ناخد بقي ال 120 مليون جنيه ، نعين بيهم 3500 شاب في وظيفه مدرس ، كل واحد منهم يقبض 3000 جنيه في الشهر، وتفتح 3 الاف بيت يدعولك وربنا يفرجها علينا
ويجعله عامر.
#حفظ_الله_مصر
