أنا اخترتك
بقلم الشاعرفهمى محمود حجازى
أنا اخترتك
كتبت ع الجبين إسمك
ورسمت في الفؤاد صورتك
وجواه بالغرام شلتك
وبكل مافيا أنا عشقتك
وشوقي عملته شراع
وقلبي مركبه ف بحرك
وبري للغرام شطك
وكل منايا أوصلك
ونبني عشنا عندك
حيطانه قلبي أنا وقلبك
وسكنتِ فيه بالغرام وحدك
يامالكة القلب والإحساس
وروحي وهبتها لحبك
ولو خيروني مابين روحي
وبين هجرك
ترد انفاسي كلها ب اسمك
ويصرخ قلبي من جواك
أنا ساكن هنا عندك
أنا عايش هنا بيكِ
وبعت الدنيا واخترتك
بقلم الشاعرفهمى محمود حجازى
