شريط الاخبار
إيه اللي حصلي
بقلم علاء ناجي علي
إيه اللي حصلي
ياحبيبي قوللي إيه جرالك
صبري طال وانا في انتظارك
ولما شُفتك شُفت الهنا في عينيك
ولما عيني شافت عينيك اتمنيتك تبقي ليا وابقي ليك
ولقيت قلبي وروحي سبقوني ودابوا فيك
وقلبي قال جاني الحب جاني
وحفظت كل اغاني الحب وقولتها
واحتار فؤادي مابقتش عارف ايه جرالي
ولما شُفتك إيه اللي حصللي من بعدها
والدنيا اللي كانت مخوفاني مابقتش اخاف مِنَّها
وبقيت ياحبيبي أسهر الليل كله في إنتظارك
وكلي شوق ولهفه أشوف عيونك
وعينيا تحضن عينيك بشوق واتهني بوجودك
ورمشك يصيبني واحس جوايا محتاجك
وجوه قلبي هواك ونبضه بينادي نبض قلبك
بيقولك بحبك وهفضل عمري كله احبك
ياحبيبي هواك ملكني واحاسيسي ليك سلمتها
والسعاده اللي طول عمري بحلم بيها جيت ياحبيبي كملتها
واحلوت حياتي ياعمري والجنه معاك عيشتها
ونظرتي للدنيا اللي كانت قاسيه عليا بحنانك وعطفك غيرتها
وبقيت ياحبيبي بالنسبالي الدنيا كلها
*علاء ناجي علي*
