ابني وابنك إياك تتوه
كلمات يحيي العبادي
=============
هوه ابنك وانت ابوه
اوعي تنسي او تتوه
المعامله خاصه جدا
الي فات الناس نسوه
هوه زرعه بالروح راعيها
لون فروعها… حس بيها
ولحظه تاني. افرد وعنف
خطوط حدوده إياك تعديها
لو شفته جنبك قول ياسند
انت الوريث…….. انت المدد
ان تاه لحظه طب طب عليه
قوله انت الحياه وانت البلد
خليك صريح دايما معاه
خليك مريح سعات لقاه
وقوله مالك تعالا جنبي
إياك تفوته يعاني اه
ابنك حبيبك وانت ابوه
هوه ساكن حياتك إياك تتوه
ارسم طريقه وهوه معاك
خليك ظهره لو الناس فاتوه
ابني وابنك إياك تتوه
