،،،ابويا مات،،،
ابويا مات بعد ما قدم رسالته
ابويا مات سايب اسمه ومكانته
ساب ذكريات هفضل عايش عليها
علمني حاجات اعدي الازمه بيها
علمني ازاي اربي
وزرع لي الدين في قلبي
وورثت منه الطيبه
واخلاقه الطبيبه
في معامله الناس الغريبه
قبل الناس القريبه
في مرضه كان اناني
مستحمل ومش بيعاني
والله من كتر صبره
اسميه ايوب التاني
عمره ما قصر معايا
في حياته الخير معايا
ومات ونزل قبره
وخيره بيجري ورايا
يا رب ارحم ابويا
يا رب اسمع دعايا
واجعلني ابن صالح
ادعي له تقبل دعايا
سامحني يابا في مرضي كنت مقصر معاك
ووداعي ليك يا رب اكون نلت رضاك
وباذن الله نكون في الجنه معاك
رحلت عني وعلى فراقك قلبي وجعني
ربنا يرحمك يابا
كلمات ،اسلام حسن
