الشعر
اختلاف مش خلاف اللي مابنا مش خلاف
خالدحداد / اختلاف
اختلاف مش خلاف
اللي مابنا مش خلاف
اللي مابنا اختلاف
اللي مابنا ماكنش حب
احساس بحب وكان ضعيف
كان قلب فاضي
وقلب تاني كان كفيف
كانت ساعات
ووقت ضايع كان سخيف
اللي مابنا حبة ورق
حبة كلام حبة حروف
اختلاف
مابين قلب قادر
وقلب عايش فى قلب خوف
اختلاف فى الشعور فى الضمير
ضمير شايف
وضمير رافض يشوف
اختلاف بين قلب ابيض
وقلب تاني بألف لون
لا مدارى ولا مكشوف
اللي مابنا
مش خلاف
اللي ما بنا الف اختلاف
اختلاف
الشاعر :خالدحداد
