اخوك هوه حبيبك
……………………..
كلمات يحيي العبادي
==============
ماتحكمش من نظره
واستني شوف بكره
لو كنت يوم حيران
افردها علي صفره
اصل.. البشر انواع
الوان كتير و طباع
مين الي حب وجودك
ومين للمكان بياع
اوعي تكون مملوك
وسط الطريق يرموك
ولا حد يقول عارفك
غير بس هوه اخوك
حافظ عليه لا يروح
تعيش الحياه مجروح
ماتشوف لحظه حنان
دايم البكاء والنوح
اخوك من البشر هوه
يديك شجاعه وقوه
ويكون حامي لحماك
عشانك أسد وفتوه
اوعاك وبنت الناس
تسقيك يموت احساس
تعيش الحياه مكسور
تايه بالقدم تنداس
تنسي الأمان في اخوك
تنسي الحنان لابوك
الخلق تنسي وجودك
وسط المحن يرموك
اصحي وفوق ليه تتوه
ده ابوك هوه ابوه
هاته احضنه جواك
اوعي ولادك ينسوه
اخوك هوه حبيبك
