اغنية ( اه م الجراح )
اغنية ( اه م الجراح )
من أشعار خالد الجمال من ديوان ( أنا الدموع )
تودينا تتوه بينا
في زمان وزمان
بقي ذكري ف قلبي ترسينا
ف الآه ف المر
اغنية ( اه م الجراح )
……………….
ليالي طويلة
وقلوبنا عليلة
مين يبكي عليها
مين يبكي علينا
جينا حكينا حكاية عمر
تقرب منا يوم وتهل
هنحكيها نعيش فيها
نرسيها نعود بيها
في الحب
والحب يحب الحب
……… ……
من اول لحظة قابلته
ضحك الشوق وسمعته
شوفته بقلبي وكلمته
كلمة ف كلمة
بعيش معانيها
في فرحتنا ف سعادتنا
ف الشوق اللي مدوب روحنا
علي باب الروح المتهني
بشفايف فرحانا تغني
…… …………..
وقفت أدق الباب
رد اللي قلبه داب
لقيت لقي الأحباب
مقدرتش أقاوم
ولا قلبي ساوم
ولا ضيه غاب
………..
ودخلت معاه
وسحرني هواه
بعيون ديبانا
ف ضحكة وآه
…….
عشت ليالي
كل لحظة فيها أنغام
حب وجالي
طيفه هارب م الأحلام
صحيت فيا مشاعر قلبي
سكنت فيا ولا بتقولي أي كلام
جاني الحب عملي ف قلبي
محطة عشق بناها غرام
وتسير بينا وتطير بينا
وف ليالينا
تفضي الشوق وكأنه ما كان
……….
طار الحب بين قلب قلب
رسيت مراسيه
واللي هيقدر يحكم ف الحب
فين نلاقيه
زي الضي السارح
زي امبارح
لما تروح لياليه
في البحر يكون
ف السما هيمان
ف نور ف ضلام
الحب يبان
عيون بتراقبه
عيون بتعاتبه
وعيون بتقوله
كفايا غرام
مستكترين يا عيون
مستخسرين حب يكون
فارد جناحه ف القلوب
جم هنا زرعوا الآلام
ف قلبي أنا حزن الكلام
يا حبنا
يا اللي أنت ضل لعمرنا
ليه سبتنا
وسبت جرح ف قلبنا
آه م الجراح
تبكي الجراح
ع اللي راح
وانتهي
…….
تأليف الأديب الشاعر خالد الجمال
من ديوان أنا الدموع الصادر عام ٢٠٠٨م
