افتكرني
..كلمات يحيى العبادي..
===============
افتكر… وقتك ب يفوت
اعرف ان فيه حياه وموت
مهما تمشي….اوتحاول
في النهايه فيه سكوت
افتكر ايام….. زمان
وقت ماكان فيه امان
لما كنا ….زي النسيم
فيه محبه وفيه حنان
النهار ده الوقت راح
والي باقي لنا الجراح
والقبر منا صبح قريب
والعمل هوه …السلاح
هوه مين في الشوق يعوم
او مفيش جواه هموم
كل واحد فينا عارف
ان ما فيه شيء بيدوم
هي هي دي الحياه
الي ما ..يعرفها تاه
مهما مرت عليه سنين
القبر مرسي ومنتهاه
افتكرني يوم ما..اموت
ارسم حروفي بالشطوط
اوعي تبكي علي الي راح
مهما كانت عليك ضغوط
