ادب وثقافة
الزلزال
الزلزال
الشاعر / محمد منصور
الزلزال
يا قلبي ليه مالك حزين
والفرحة غابت من يومين
نمنا على حب وهنا
وصحينا على صرخة وأنين
زلزال في سوريا وتركيا
زلزل قلوب العالمين
الشهدا صاروا بالآلاف
غير الكسور والمجروحين
واللي اندفن تحت الثرى
واللي ف عداد المفقودين
يا قلبي ليه خيَّم سكوت
في أي ناحية ألاقي موت
ليه اتفجعنا كلنا
والناس بتبكي بأعلى صوت
كانت هنا أجمل قرى
فين البشر فين البيوت
الدنيا عمِّت بالأسى
والكل بيمد الأيدين
يا قلبي ليه بقيت موجوع
والعين بتملاها الدموع
على أهلنا دول مننا
فجأة راحوا من غير رجوع
راحوا ألوف في لحظةٍ
صاروا حصاداً كالزروع
نرفع أيدينا لربنا
امنحنا صبراً يا معين
اغفر لهم أنت الغفور
وامنحنا عفواً يا شكور
واختم لهم في جنةٍ
ويظلوا فيها خالدين
واختم لنا يا ربنا
عوضنا عن صبر السنين
بقلمي الشاعر/ محمد منصور
