الستات زمان
كانت ستات جبابرة ..
كانت ست البيت تصحي قبل الفجر تجهز فطار وتعجن وتحمي الفرن و تخبز أحلي ميشنة العيش وتعمل بعد العيش الارز المعمر وصنية البطاطس التي لامثيل لها و تحلب اللبن وتجهز الجبنة و تلم بيض الفراخ
وتروح الغيط تساعد جوزها في زراعة الأرض
…كانت ترجع تطبخ أحلي الاكلات وتعمل أحلي حلة محشي بكل حب لأهلها و مكنش فيه بوتاجاز كانت تحمي الكانون أو بجور الجاز أو الباجور ابو شرايط
وتخيل بتملأ مياه عشان مفيش حنفيات .. هي اللي بتروح تملأ ٥٠ مره في اليوم
…كانت تغسل على ايديها جرب تغسل فانله على ايدك كده اشحال هي كانت بتغسل لكل الاسرة ال١٥ كل يوم وتنشر كل يوم
وتروح السوق كل يوم مفيش ثلاجات اصلا
…وتغسل المواعين .وتروح تطحن الدقيق …وتربي فراخ وبط وتنظف مكانهم
كانت تولد ١٥ عيل وترضع وتغير ومفيش بامبرز طبعاً
…وفي نهاية اليوم تعمل كنافه ملهاش حل ..وشاي لكل واحد في الأسرة والشاي كان مش دور واحد دكان دورين وثلاثه وقرص وكعك وغريبه بالشوال مش كيلو وكانت تحمي الفرن تحمص البلح وتخزنه في الصوامع …
الستات زمان كانت بتحافظ ع البيت ولا تغضب ولاتتطلق
الله يرحمهم ويرحم ايام زمان
بقلم/سيد عبدالتواب السويفي
