العمر ما بيدوم

العمر ما بيدوم

بقلمي محمد عنانى

دا العُمر ما بيدوم

وأكيد حييجي يوم

يبقا اللقب مرحوم

لما الأجل حيحين

ويجي وقت الموت

لو يبقا مال بالكوم

في عِز بحر تعوم

وبصحتك مكروم

وياك ألوف فدادين

لما حانت لحظتك

ووصلت لمحطتك

ومهما كانت قوتك

تروح مع الرايحين

تسيب وراك دنيتك

وأهلك مع عزوتك

كمان تفوت ثروتك

وقصور أو البساتين

ولازم تعود للطين

تحت التراب لحدك

تكون هناك وحدك

واللي معاك عملك

يشهد في يوم الدين

لا مال هناك وهدوم

في الآخره لما تقوم

في يوم أكيد محتوم

بالحق فيه موازين

فيه الحساب معلوم

ولا حد فيه مظلوم

بالعدل فيه محكوم

من أرحم الراحمين

العمر ما بيدوم