الله الله الله بقلمي محمد عنانى

الله الله الله
بقلمي محمد عنانى

الله الله الله
ولا عِزه غير لله
سبحان جَل علاه
الحلم اللي حِلمناه
ياما ياما بنتمناه
لسنين وبنستناه
حقيقي العين شايفاه
والقلب فَرح وياه
بعد زمن طال بالآه
وجراح وآلام جواه
ومرار الناس شارباه
إخواتنا في فلسطين
اللي كانوا صامدين
فجأه في غمضة عين
ماغير لأسود شايفين
بالأقدام بقوا دايسين
على قلب المحتلين
الحفنه من الملاعين
اللي صبحم تايهين
وجهنم فيها عايشين
وهروبهم منها لفين
وإخواتنا في فلسطين
بشجاعه ومتحدين
لجحيم نيران قايدين
تحرق في المغتصبين
وكتير منهم آسرين
وغنايم بالملايين
والغاشم ضل وتاه
والعالم كله رآه
أقدام أبطال دايساه
ودا كله بفضل الله
سبحانه جل علاه
وقلنا الله الله
ولا عِزه غير لله