المصير
بقلم / صالح منصور
مش عارف العيب فين ؟
في الحاجات اللى بتيجى
في الوقت الغلط ..
ولا في اختيارنا للمصير
يمكن يكون أفضل اختيار
لو كان المكان غير المكان
والزمان كمان غير الزما
يمكن أكون متسرع أوى
أو أكون متهور أو جبان
بس اكيد شعورى كان
حقيقي مش خداع أو هزار
بس الأكيد انك في الوقت دة
الزمان صعب يحقق الامانى
والمكان مش هو أرض الأمان
بس وحياتك لهبعد لأرض غير الأرض
وهخترع زمان غير الزمان
أرض مفهاش مشاعر
مفهاش حنان اشتياق ولا أمان
والزمان مفهوش لقاء ولا وداع ولا سلام
بس يارب ..
الشمس متفكرنيش .. بحضنك
ولا القمر .. يذكرنى بكِ
ولا السحاب .. بلون عيونك
ولا الحياة .. تقف عليكِ
صالح منصور
