المناصب مش كل حاجة
بقلم/نهي احمد مصطفى
في زمن بقى فيه الكرسي هو المقياس، واللقب هو اللي بيحدد قيمة الإنسان عند البعض، لازم نقف ونفكر… هل المنصب فعلاً هو اللي بيصنع القيمة؟ ولا الإنسان هو اللي بيصنع المنصب؟
في الحقيقة، المنصب مش كل حاجة. المنصب ممكن ييجي في لحظة ويروح في لحظة، لكن اللي يفضل هو السيرة الطيبة، والأثر الجميل اللي بنسيبه في قلوب الناس. كم من مسؤول جلس على كرسي كبير، لكن ما سابش غير الوجع والتعب للناس! وكم من إنسان بسيط، من غير منصب ولا لقب، لكن كلمته مسموعة ومحترمة لأنه صادق وأمين ومحب للخير.
المنصب الحقيقي مش ورق قرار ولا توقيع على أمر إداري، المنصب الحقيقي هو في أخلاقك، في ضميرك، في طريقة تعاملك مع الناس. لما تكون في مكان مسؤولية، وتخاف ربنا في كل تصرف، ساعتها المنصب بيبقى قيمة حقيقية مش مجرد لقب.
إحنا محتاجين نغيّر النظرة دي في المجتمع، ونفهم إن الكراسي بتتغير، لكن القيم هي اللي بتبقى. المنصب وسيلة لخدمة الناس مش أداة للتسلط عليهم. والمجد الحقيقي مش في إنك توصل، لكن في إنك تفضل محترم بعد ما تمشي.
فكر كويس… المنصب ممكن يرفعك قدام الناس، لكن الأخلاق هي اللي ترفعك عن
د رب الناس.
