الشعر
النيش
النيش
بقلم الشاعر فهمى محمود حجازى
أستاذنا السيد قال يابني اكتب ع النيش
أنا قولت مهازل وبلاوي وحاجات ماتجيش
وكاسات ومعالق وصواني وحبة تحابيش
وكمان فيه صيني ومتزخرف مليان تنقيش
وان قولت هتاكل أو تشرب تشبع تلطيش
وابعد ع الصيني اوعى تقرب
لتروح ماتجيش
تفاهات وزخارف ع الفاضي مرصوصة بشويش
واطقم للشاي كده والقهوة مرسومة في أفيش
وان كنت هتشرب على سهوة تلقى التنغيص
يااخونا عامل أزمة
ليه نفش الريش
وفقرنا يعاني من الأزمة وعايشها تعيس
ودي بنته بتصرخ م الأزمة ومحتاجة عريس
دالعمر بيجري بدون لازمة ومحتاجة ونيس
والله حاجات مالهاش لازمة بطلوا تدليس
د الشرع النازل م المولى مافهوش
د الشرع محرم يااخوانا البزخ الزايف والطيش
وشبابنا اتحطم بقى يشرب م المر حشيش
ود كله عشان تفاهات فارغة محطوته في النيش
بقلم الشاعر فهمى محمود حجازى
