انا الانسان/بقلم: الشاعر فهمى محمود حجازى
انا الانسان
بقلم: الشاعر فهمى محمود حجازى
بقالى زمان
وانا البنا أنا التعبان
انا العامل وانا الصانع
وصنعتى للشرف عنوان
انا اللي بكولها من عرقى
ومش طالب م الغني
إحسان
انامطلبي أكون عايش
وسط البشر إنسان
أنا الفلاح وده فاسي
وبه شقيان
وب اشقى عشان لقمتي
واهلي ومصر كمان
لا انا حرامي ولا طامع
في كرسي وكام فدان
أنا اللي حربت في اكتوبر
كما الفرسان
انا اللي شربت المرار سوبر
ومن المرار طفحان
إنا المصري الشريف الحر
وضميري فى العمل بميزان
ولقمتي ب ايدى وعرقي
بس اعيش في آمان
وامانى فيك يابلدي
الاقى لقمتى وسكني
واعيش إنسان
بقلم الشاعر فهمى محمود حجازى
