اه من الوجع

…..اه من الوجع……
كلمات يحيى العبادي
=============
اه علي الوجع جوايه
لكل اه فينا ….حكايه
اروح لفين…… يازمن
يارب اكتب لي نهايه
اروح لقبري في سكوت
اودع الناس والضغوط
وارحل في سكون وصمت
ارجع لآخر حياتي موت
ياناس تعبت من الي فات
وبقيت افضل السكات
مهما الحياه هاتطول علينا
بكره يقولو كان ومات
خلوني بس ذكري جميله
افتكر وجودي باي حيله
وقول عليه اني كنت اب
او كنت بينكم لمه وعيله
بكره هاتعرف انا كنت ايه
بكره هاتبكي علي الي انت فيه
وتقول حياتك بعدي سراب
الي عانيته انا بعدي تعانيه
خلاص بتهرب من الوجود
خلاص مفيش عندك ردود
بعدت كتير وقولت خلاص
وفوت دمع كتير علي الخدود
ماشي خلاص مفيش عتاب
الي جوانا حلو راح وغاب
وبكره لما تفتكر كلامي
هاتقول حياتي بعدك سراب
اه من وجع صاب القلوب
اه من انين في كأس يدوب
واشرب عصيره بالدموع
وحاسس بأني كلي عيوب